ആറങ്ങോട് ചോതിക്കൊരു
ലതയുണ്ടു പോൽ മനതാരിൽ
സ്വപ്നം വിളക്കുന്ന
ആകാശത്തേയ്ക്ക് പിണിഞ്ഞിറങ്ങുന്ന
ലതയുണ്ട് പോലെ അമ്പോറ്റിമുറ്റത്ത്
നേരിതൻ കാണ്ഡങ്ങൾ
പാരിൽ മണ്ണിൽ കിനിഞ്ഞിറങ്ങും
വൃഷ്ണങ്ങൾ ദ്രംഷ്ട്രകൾ...
കേട്ടുവോ നാടിന് മടിയിലൊരല്
കിളുത്ത കഥ
പാടിപതിഞ്ഞുവോ പലവട്ടം
നേരിതൻ കള്ളവും മായവും
സമാസമം ചലിച്ചു നിർമാല്യം
കണക്കെ ...
ചരിതമാടീടാം ചരിത്രമിനിയെന്നും
ചിതലരിക്കാത്ത ചമയങ്ങളാകാമെങ്കിൽ
സമർപ്പണമാകാം കുറിയേടത്
താത്രിതൻ ജീവിതമിതെന്നും
പിന്നമുറ കഥകളാൽ
നിബിഡമാണിതെന്നും.
* * * *
പണ്ടിതുപോലൊരീ രാത്രിയിൽ
കവച കുണ്ഡലങ്ങളഴിച്ചു
വെച് കീചക വധം ആടിത്തിമർക്കേ-
-കീചക വീരസ ശൃംഗാര
കേളികൾ
മാനമിത് നേടും പൗരുഷ്യ ഭാവങ്ങൾ
ചേഷ്ടകൾ
തന്നിടുമൊരു പ്രണയം അത് നിൻ
രാത്രയിൽ അചഞ്ചലമാം
നിഷാഞ്ചാരരുടെ കുടെ നീ
കിരാത വധം ആടിത്തിമിർക്കുന്നു
തരിക നിൻ ആണത്തവും ശൂരത്തവും
ചയമേറിയ പവിഴാധരങ്ങളും
എടുത്തു കൊൾക എന്നെ കുടിച്ചു കൊൾക
രാത്രികൾ പൂത്ത നിൻ യാമങ്ങൾ
നിത്യതയിലാടിത്തിമർക്കേ
നീ കൊണ്ട വിചാരങ്ങൾ പൂർണ
ഋതു ഭേദങ്ങൾ,പൂർണ്ണ സ്വർഗങ്ങൾ
നഷ്ടമാകുന്നുവോ നീ
സ്മാർത്ത വിചാരിണിയാകുന്നുവോ...
ചിറകറ്റു ചികുരഭാരമിളകി
രാത്രി സഞ്ചാര കഥകൾ
നാട്ടിൽപ്പരകവെ,
നീ 'സാധന'മാകുന്നു
സൃഷ്ടിയുടെ
സന്തതി
* * * * * *
അഞ്ചാം പുരയിലേക്കു മടങ്ങുന്നു ഞാൻ
പടിയടക്കുന്നു ബലിനേരുന്നു
തോഴി പോയി ഞാനും
നമുക്കിടയിൽ നീയും ഞാനും
പ്രിയ സ്മാർത്ത, നിൻ ചോദ്യ-
-ങ്ങളെൻ
യൗവനങ്ങളായിരുന്നു
എന്നുടെ യാത്രകൾ
എന്നിന്റെ പ്രണയം,
നിനക്കറിയാം
ഞാൻ വെറുമൊരു വേശ്യ നിത്യതയിൽ
കാമം വിൽക്കുന്നവർ പൂർണ്ണ യാമം
ഗണിക്കുന്നവൾ
കണ്ണീരിനെ കുളിപ്പിച്ചു രാത്രിയെ ഉറക്കി
കാലത്തെ കറക്കേണ്ടവൾ
ആകാശനഷ്ടങ്ങളിൽ ഞാനുമൊരീ-
-കൊള്ളിമീൻ,നിമിഷാർധം കണക്കെ
പൊട്ടിവീണവൾ അഴിഞ്ഞുടഞ്ഞവൾ
നിശയുടെ മഴക്കാലത്തെ അഴിച്ചെടുത്തവൾ
അലറുമീ കാറ്റിന്റെ കടലലകളാണു ഞാൻ
വിറക്കുമീ കാവിലെ പുല്കൊടിനാളവും
നിലയ്ക്കാതെ പെയ്യുന്ന നിലവിളക്കാണ് ഞാൻ
അലയ്ക്കുമീ നെഞ്ചിന്റെ കാവലാളും.
എൻ പ്രണയം കൊടുത്തു ഞാൻ
വാങ്ങിയ
നഷ്ടങ്ങളെല്ലാം
തരികയില്ലെന് ചിരികൾ
കൗമാര ചാപല്യങ്ങൾ
നിർമല കന്യകാത്വം,നിശ്ചിത യൗവനം
നിര്മലമെൻ കുടുംബവും
ഓർക്കുക
കാലമിനിയും താത്രിയാകും,നിൻ
മേൽക്കച്ച അഴിയുന്നിടത്തേൻ
മാത്രകൾ യാത്ര വരും
ആറങ്ങോടിനിയും സന്ധ്യകൾ വരും
ലതയായൊതൊന്നിൽ ഞാനും
തളിരിടും...
.....................................................................................................
കുറിയേടത് താത്രിയെ പോലെ ഇത്ര അധികം പുനർ ചിന്തക്ക് വിധേയമായ ഒരു സ്ത്രീ ഉണ്ടെന്നു തോന്നുന്നില്ല .കാലം തഴയപ്പെട്ട പ്രണയിനി ആയും വേശ്യ ആയും അധികാര മേലാളിത്തത്തിനു നേരെ വിരലുയർത്തിയവളായും അവൾ മാറി.കാലം മാറിയിട്ടും ഇപ്പോഴും എല്ലാവരും അവളെ പഠിക്കുന്നു എഴുതുന്നു...ഇത് എന്റെ സമർപ്പണമാണ്. താത്രിക്കു വേണ്ടി മാത്രമല്ല പാതയിൽ വീണു പോയ എല്ലാ വഴിവിളക്കുകൾക്കും സമർപ്പിക്കുന്നു.ഒരിക്കലും പൂർണമാണെന്നു കരുതുന്നുമില്ല.അത്രയധികം കേട്ടറിവുകൾക്കും ഐതിഹ്യങ്ങൾക്കും വിധേയമാണ് ഈ വിഷയം.
സ്മാർത്തവിചാരത്തിൽ താത്രിയുടെ പിതാവ് അഷ്ടമൂർത്തിയും ഭ്രഷ്ടാക്കപ്പെട്ടതോടെ താത്രിയുടെ ജന്മദേശമായ ആറങ്ങോട്ട് കരയിൽ, അഷ്ടമൂർത്തി പൂജ ചെയ്തിരുന്ന കാർത്യായനി ക്ഷേത്രത്തിലെ കളിമൺ വിഗ്രഹം ഉടഞ്ഞുപോയെന്നാണ് വിശ്വാസം, വിഗ്രഹത്തിന്റെ സ്ഥാനത്ത് മുളച്ചുപൊന്തിയ 'മാധവീലത' എന്ന മരത്തിനാണ് ഇപ്പോൾ പൂജ ചെയ്യുന്നത്. പിന്നീട് പ്രേതമായിത്തീർന്ന താത്രിയെ, താത്രിയെ വിവാഹം ചെയ്തയച്ച കല്പകശേരിയില്ലത്ത്, കല്ലിൽ ആവാഹിച്ചിരുന്നുവെന്നും പറയപ്പെടുന്നു
"താത്രി ചരിതം എഴുതീടുക -
-ദുസ്സഹമാണിതെൻ വാഴ്വിലും "
.jpg)
